EMAKUMEEN AHALDUNTZEA; ALDAKETARAKO GILTZA

 Ostegunean, abenduak 19, dokumentala zabalarten, arratsaldeko 19:30ean

Emamukeak, munduko leku guztietan eta baita Indian ere, garapenaren eragile eta erregai dira. Horregatik, emakume eta gizonen arteko berdintasunean sinisten dugulako, justiziagatik eta eraginkortasunagatik (egiaztatuta dago emakume eta nesken formakuntza laguntzeak eta hauen aukerak handitzeak onura dakarrela komunitate osora), gure garapenerako lankidetzako ildo nagusia da emakume eta nesken ahalduntze prosesuak laguntzea Indian.
Calcuta Ondoan GKEren lana
Egilea: Koldo Leniz
Ekoizlea: Kar Etxabe
Bideo post-produkzioa: Juan Luis Garikano eta Koldo Leniz
Audio post-produkzioa: Iñaki Arregi
Grafismoa: Ane Ormaetxea

AGURAIN KANTARI

Gaur, asteartea, abenduak 3,

Euskararen Nazioarteko Eguna dela eta      

   

AGURAIN KANTARI ekimena      

antolatu dute Udaleko Euskara Batzordeak eta berau osatzen duten elkarte/erakunde guztiek.

Arratsaldeko 18:00etan, Ibaia tabernaren ondoko Dulantzi plazatik Santa Maria enparantzaraino

Kantutegiak bertan banatuko dira eta musikariak ere egongo dira!

    Animatu eta etorri, ahots-tonu guztiak baitira elkarren osagarri eta ezinbesteko!

        

Dakitenek erabiliz,

ez dakitenek ikasiz.

Herri bat osaturik

EUSKARAZ NAHI DUGU BIZI.

AZAROKO EUSKARAREN AGENDA

ZUZENEKO INSTANTEAK erakusketaren aurkezpena

Ederki joan zen ostegunean ZUZENEKO ISTANTEAK erakusketaen irekiera ekitaldia Agurain-en 'Musika eta Euskara' jardunaldien barnean. Jende asko bildu zen, giro edera eta oso rollo ona! Mila esker bertara azaldu ziren guztiei. Joseba, Gustabo, Unai (Eratu) eta Josune (disaster people), AEKko jendea, aguraingo peña.... Milaskerrrrr!

euskaraz bizi nahi dut

EUSKARAZ BIZI NAHI DUT kamisetak(10 euro) eta banderolak(3 euro) salgai Lautadako AEKn. Zatoz!!

EUSKARA KLASEAK, EMAN IZENA!!

BERBALAGUN 2013/2014: Eman izena!

Uda bukatzear dago eta ikasturte berriaren hasierarekin batera Berbalagun egitasmoa martxan jarri nahi dugu. Euskara praktikatu nahi baduzu edo ikasten ari direnei lagundu eman izena Lautadako AEKn, facebook-ean edo gure blog-ean. IZAN ZAITEZ BERBALAGUN!!

AEK Euskara praktikoa EUS ES

TRUKE AZOKA

 

TRUKE AZOKA

Euskal literatura eta musika, arropa, apaingarriak, jostailuak,...

Erabiltzen ez duzun hori aldatzeko aukera paregabea!

NOIZ:Ekainak 23

NON: Andra Mari Plazan

ORDUA: 12:00etatik 14etara

ANTOLATZAILEA:Berbalagun eta Gurasolagun egitasmoak

BADATOR 15 ORDU EUSKARAZ!!!!

“Iraganean beltz, gaur amets, bihar baietz”

Maiatzaren 15ean burutu den "Agurainen 15 ordu euskaraz" egunaren lehenengo edizioak euskarari eta euskararen erabilerari bultzakada goxo-berria eman dio. Azken hamarkadetan euskara berreskuratzeko bidean egindako esfortzu eta emandako urratsak asko eta onak izan diren arren, egun honetan zera adierazi dugu: BAIETZ! Euskararen bidean aurrera egingo dugula eta euskararen erabileraren aldeko erronkari eutsi egingo diogula! Erronkaz beteriko bide honetan ezinbestekoak dira denon konpromisoa, parte hartzea eta ilusioa euskarak urrats berriak eman ditzan. Baietz hau ere lortu!!. (56 argazki)

1

Lurra, hizkuntza eta herria, gure izaera euskaldunaren lekuko.

2

Goizean goizetik trikitia, motorrak berotzen.

3

Txalapartaren mintzoa: ttakun-ttakun, esna hadi Agurain! Baietz 15 ordu euskaraz!

4

Lope de Larrea ikastolako haurren abesbatzak ederki egin zion aurre eguraldi kaxkarrari eta bere kantuez giroa alaitu.

5

Korrika hasi baino lehen, indarberritzeko... txokolate bero-beroa!

6

Aguraindarroooook! Aguraindarroooook! Aspaldiko ohiturari eutsiz irakurri zigun Oihanak bandoa goizeko 9:30etan

7

AEK-ko ordezkariek eman zioten hasiera egun osoan Aguraingo udalerrian zehar ibili zen Korrikari.

8

Bertso eskolako kideak kazetari lanetan, Txindurri irratian, zein baino zein berritsuago!

9

Literatura txokoan Lazarragaren testuak irakurri zituzten, besteak beste.

10

Puzzle erraldoia Oriamendin: Iraganean beltz, gaur amets, bihar baietz!

11

68 urte, 168 kilometro, 168 lekuko aldaketa irribarrerik galdu gabe. Aupa Jone!

12

Heldu da umeen txanda. Denok altxorraren bila!

13

Eta txikienak plazan, margoketan. Artista sena handia daukagu Agurain alde honetan, bai horixe!

14

Badoa puzzlea gutxinaka, eta eguzkia ere hasia dugu keinuka.

15

Euskarari mezu biribilak idazteko aukera ere izan genuen horretarako prestatutako gurpil honetan.

16

Irakurzaleak jo eta su, isildu gabe, irakurketan.

17

Altxorraren bila ibili ondoren txontxongiloak. Ederki pasa zuten eguna gaztetxoenek ere!

18

Lurzorua irristakor bazegoen ere, ez ziren beldurtu gazteak eta gogoz ekin zioten elkarren arteko lehiari!

19

Zapata takoidunak jantzita ez da erraza ondo ibiltzea!

20

Maldan behera beti errazago, baina...

21

Hauek bai sasoia! Animo mutilak!

22

Horrela baita nik ere!

23

Baietz traktorea Oriamendiraino igo!

24

Guri kaskoan zerbait sartuz gero... egin egiten dugu!

25

Aupa gazteak! Ez daukazue parekorik!

26

Musika eskolako gazteek talde euskaldunen bertsioak jo zituzten tenperatura pixka bat igotzeko, eta baita lortu ere!

27

Gure sukaldari trebeak! Sekulako bazkaria prestatu ziguten! Aupa zuek!

28

Eguerdia heldu orduko berotu da giroa. Baina, hau ez da posible! Furgoneta barruan bost lagun eta bakarra korrika?

29

Sorgina, Porrero, eta Argitxo ere etorri ziren umeekin jolastera.

30

Kalejiran dantzan eta saltoka Porrero, Sorgina eta Argitxorekin.

31

Aiba! Ez dago tokirik! Baina guk ere mezu biribila idatzi nahi dugunez, hementxe jarriko dugu (Maialen Lujanbiok aurtengo txapelketan, azken agurrean botatakoa): “herri hau sortzen segi dezagun euskaratik eta euskaraz”

32

Jo Ta Fa munduko txarangarik martxosoena ere bertan izan zen bazterrak alaituz, nola bestela!

33

Bazkaltzeko ordua iritsi da. Ezin kabitu San Juan plazako Olbean. Kristoren hotza, baina baita kristoren bazkaria eta giroa ere!

34

Goxo-goxo, epeletan, mus txapelketa azkarra jokatu zuten Ortzi tabernan.

35

Euskararen aldeko aldarrikapenak denetik izan zuen, baita adar-deia ere!

36

Borobil handia egin eta denok dantzara! Irakasle ona dugu Ainhoa eta ederki irakasten dizkigu dantza pausu berriak.

37

Jira eta buelta, zorabiatu arte.

38

Goazen San Jorgera, herri kirolak ikustera! Beti txarangak lagunduta, noski!

39

Saltsa guztietako perrexila ere ezin falta! Hi haiz hi, Alfredo!

40

Hauek ere ez dira, ez, makalak! Aupa neskak!

41

Aguraingo mutil sendoak lastoa garraiatzen, apustuak eta giroa gori-gori!

42

Eta txaranga atzetik, animatu nahian edo...

43

Zer ikusi hura ikasi, txikiak ere ez ziren atzera gelditu!

44

Eta irratian elkarrizketak, mahai inguruak... etenik gabe. Musikari gazteei entrebista egiteko txanda.

45

Bertso-pilota frontoi zaharrean. Gorri ala urdin? Biek irabazi omen zuten, nola ote?

46

Lau pilotariak pilota-jokoan eta bi hauek bertso-jokoan. Unai eta Oihanek ederki egin zuten bere komentarista lana.

47

Hori duk eta! Eguraldia etsai, baina jo ta su pilotan! Hori da sasoia, hori!

48

Musika ere ezin falta horrelako jai batean. Etxeko musikariak izan genituen oholtzan, luxuzkoak!

49

Txistulariak ere etxekoak, nola ez! Aupa neskak!

50

Arratsaldeak aurrera egin ahala, guztiok dantzan. Ameskua ahizpak beti bezain alai!

51

Futbolin partida. Dibertigarria, benetan! Borroka latzaren ondoren, azkenean 1 eta 0 egin zuten.

52

Erronkaz betetako egun honetan banakoa dantzatzen ere erronka izan genuen, baita lortu ere!

53

Soinu-teknikari lanak, kantuan gero... Ez zuten lan makala egin gure musikari gazteek! Eutsi horri, Unai!

54

Irratiko azken txandan umeei egin zien entrebista Nagorek. Gustura aritu ziren beren kontuak irratian azaltzen.

55

Eta 15 orduren buruan... Korrikaren amaiera. Baina... Non dago helmuga? Suziri hauek erangidako kea besterik ez dut ikusten!

56

Korrikako lekukoaren barruan zegoen mezua atera eta irakurri egin zigun Ainitzek Aguraingo euskalgintzaren izenean: “Iraganean beltz, gaur amets, bihar baietz”, Agurainen Euskaraz bizitzeko eskubidea, gure hizkuntza erabiltzeko eskubidearen aldarrikapena.

Hasiera - Galeria - Bisita - Natura - Arkeologia - Plenoak - Iritzia - Agenda

Copyright 2009 Gure helbidea: Agurain.org - Agurain 01200 - Araba (Euskal Herria) administrador@agurain.org